«Dori-Darmon» устав капиталидаги 51 фоиз акциялар пакетини хусусийлаштириш бўйича профессионал консалтинг компанияси танлаб олиниши юзасидан танлов эълон қилинди. Бу ҳақда Давлат авктивларини бошқариш агентлиги хабар берди.
Талабгорларнинг тижорат таклифлари жорий йил 27 август куни соат 18:00 га қадар тақдим этилиши керак.
Агар биргаликда қўшма тижорат таклифи тақдим этилса, жалб қилинган шерик-консултантнинг ҳам ишини мувофиқлаштириш учун масъул бўлган ва жавобгарликни зиммасига оладиган асосий консултант кўрсатилиши лозим.
Актив ҳақида маълумот
«Dori-Darmon» — Ўзбекистондаги ривожланаётган фармацевтика бозоридаги етакчи улгуржи ва чакана савдо компанияси ҳисобланади.
Жамиятнинг ҳудудий бўлинмалари мавжуд бўлиб, улар таркибига 7 та акциядорлик жамияти ва 14 та масъулияти чекланган жамият, жумладан, 17 та омборхона, 15 та таҳлил лабораторияси киради.
2021 йил якунига кўра, компания 402,1 млрд сўм соф тушум ва 32,6 млрд сўм соф фойда олган.
Аввалроқ «Фарғонаазот»ни хусусийлаштириш учун 4 та хорижий компания рақобатлашаётгани ҳақида хабар берилганди.
Изоҳ (0)