Олий ва ўрта махсус таълим вазирлиги Ўзбекистонда касб-ҳунар мактабларига ҳужжатлар қабул муддати 15 августга қадар узайтирилганини эълон қилди.
Касб-ҳунар мактабларига ҳужжатлар қабули 20 июлга қадар этиб белгиланган эди. Вазирлик хабарида таъкидланишича, битирувчи ёшларнинг касб-ҳунар эгаллашга бўлган қизиқишини инобатга олиб, уларга бу борада керакли шарт-шароит яратиш мақсадида ҳужжатларни қабул қилиш муддати узайтирилди.
Эслатиб ўтамиз, ҳужжатлар kasb.edu.uz электрон платформаси орқали қабул қилинади. Платформага туғилганлик ҳақидаги гувоҳнома ёки ID-карта маълумотлари, 3х4 ҳажмидаги фотосурат киритилади.
Изоҳ (0)