Россиянинг Белграддаги фавқулодда ва мухтор элчиси Александр Боцан-Харченко Сербияда Россия ҳарбий базаси ташкил этилиши ҳақида SM News нашрига маълум қилди.
Дипломат Россия базаларини Сербияда жойлаштириш бу давлатнинг суверен иши эканини таъкидлаган. Бундан ташқари, бу мамлакатнинг ўзига тегишли масала. «Қўшма гуманитар марказга келсак, у гуманитар фалокат юз берган тақдирда инқирозга қарши курашиш учун ишлайди», — дея қўшимча қилди у.
Шунингдек, Ботан-Харченко, Сербия дўст мамлакат эканини ва Белград «Россияга қарши санкцияларни тубдан рад этишини» таъкидлаган.
Шу билан бирга, у энг қулай нархда газ етказиб бериш бўйича келишувнинг сиёсий қисмига ҳам ишора қилди. Элчи Россия Сербиянинг энергия барқарорлигини таъминлашини билдирган. Бундан ташқари, мамлакатлар ҳарбий-техникавий ҳамкорликни давом эттирмоқда, бунинг натижасида етказиб берилаётган маҳсулотлар сифати учун қулай шароитлар яратилмоқда.
Аввалроқ Сербия ички ишлар вазири Александр Вулин ўз мамлакати Россия билан зиддиятга киришишдан ва «НАТО пиёда аскари» бўлишдан бош тортишини маълум қилганди. У ғарблик ҳамкасбларига ҳарбий ҳаракатлар учун мамлакатдан кечирим сўрашни маслаҳат берган.
Изоҳ (0)