АҚШ Украинага 1 миллиард долларлик янги ҳарбий ёрдам пакетини ажратмоқда, у ҳарбий маҳсулотларнинг энг йирик бир марталик етказмаси бўлади, деб ёзади «РБК».
Украинага HIMARS баравар ўт очиш тизимлари учун ракеталар, NASAМS зенит-ракета мажмуалари учун ўқ-дорилар, 50 та М113 зирҳланган тиббий транспорт воситаларини, шунингдек, артиллерия ўқ-дорилари, мингта FGM-148 Javelin кўчма танкка қарши мажмуалар, дорилар ва портловчи моддаларни етказиб бериш режалаштирилмоқда.
Ушбу пакет етказилгач, АҚШнинг Украинага ҳарбий ёрдамининг умумий ҳажми 2022 йил февралидан буён 9,8 миллиард долларгача, 2014 йилдан буён эса 11,8 миллиард долларгача етади.
Шунингдек, Пентагон вакили маълум қилишича, Украинага F-16 қирувчиларини етказиб бериш имкониятлари юзасидан якуний таҳлил ҳали тайёр эмас. Унинг сўзларига кўра, бу вариант яқин истиқболга тааллуқли эмас.
АҚШ Ҳарбий-ҳаво кучлари штаби бошлиғи генерал Чарльз Браун 21 июль куни Украина Ғарб мамлакатларидан тўртинчи авлод замонавий қирувчиларини олиши мумкинлигини айтганди.
Изоҳ (0)