Тошкент вилоятининг Паркент туманида 14 ёшли ўсмир тоғасининг ўғлини отиб, ўлдириб қўйди. Бу ҳақда вилоят ИИББ матбуот хизмати хабар берди.
Маълум қилинишича, 2 август куни 2008 йилда туғилган Э.Э. Паркент тумани «Ёшлик» маҳалласида яшовчи тоғасининг уйига меҳмонга келган. У ерда тоғасининг ўғли М.Т. (2007 йилда туғилган) билан қушларни овлаш мақсадида тоғасига тегишли бўлган 4,5 калибрли пневматик қуролни уйдан олиб чиққан.
Шундан сўнг 14 яшар Э.Э. эҳтиётсизлиги оқибатида пневматик қуролдан ўқ отиб, 15 ёшли М.Т.нинг чап кўкрак соҳасига тан жароҳати етказган.
Оқибатда тоғасининг ўғли олган тан жароҳати билан ҳодиса жойида вафот этган.
Изоҳ (0)