Ўзбекистонда йил бошидан буён қалбаки пул ясаш ва ўтказиш билан боғлиқ қанча жиноят содир этилгани маълум қилинди

Ўзбекистонда йил бошидан буён қалбаки пул ясаш ва ўтказиш билан боғлиқ 23 та жиноят фош этилди. Бу ҳақда Бош прокуратура ҳузуридаги департамент хабар берди.

Маълум қилинишича, 2022 йилнинг ўтган даврида хорижий валюта қимматликларини ноқонуний муомалага киритилиши билан боғлиқ 245 та қонунбузарлик ҳолати аниқланиб, натижасига кўра 167 та жиноий ҳамда 78 та маъмурий ҳуқуқбузарликка оид ишлар қўзғатилган.

Ҳуқуқбузарлардан давлат фойдасига 433,2 минг доллар, 1,1 миллион рубль, 702,2 минг қозоқ тенгеси ва 1,2 миллиард сўм ашёвий далил сифатида олиб қўйилган.

Қалбаки пул ясаш ва ўтказиш билан боғлиқ 23 та жиноят фош этилиб, 135 миллион сўмлик ҳамда 53,2 минг долларлик қалбаки банкнотларни эркин муомалага киритилишининг олди олинган.

Қимматбаҳо металлар ва табиий қимматбаҳо тошларни қонунга хилоф муомаласи билан боғлиқ 8 та жиноят фош этилиб, ҳуқуқбузарлардан 730,2 миллион сўмлик 4,6 килограмм қимматбаҳо металлар ва табиий қимматбаҳо тошлар ашёвий далил сифатида олиб қўйилган.