Ўзбекистонда 2022 йил 23—26 июль кунлари оралиғида 6 та олий таълим муассасасининг тегишли таълим йўналишларига ўқишга кириш учун ўтказилган чет тилидан касбий (ижодий) имтиҳон натижалари эълон қилинди. Бу ҳақда Давлат тест маркази хабар қилди.
Қайд этилишича, имтиҳон натижалари my.dtm.uz сайтида эълон қилинган бўлиб, имтиҳонда иштирок этган абитуриентлар шахсий кабинетидан (абитуриент қайд варақасининг юқори қисмида) ўз натижаларини билишлари мумкин.
Бунда абитуриентнинг ҳар бир бўлим бўйича тўплаган баллари, жами балл, 120 баллга нисбатан фоиз кўрсаткичи ва олий таълим муассасаларига киришда чет тили фанидан бериладиган балл акс этган.
Эслатма: ўз натижасидан норози бўлган абитуриентлар 2022 йил 4—6 август кунлари my.dtm.uz сайти орқали апеллация шикояти беришлари мумкин.
Белгиланган муддатдан сўнг апеллация шикоятлари қабул қилинмайди ва апеллация шикоятлари қайта кўриб чиқилмайди.
Изоҳ (0)