Жиззах вилояти Шароф Рашидов туманида ҳайдовчи Damas автомасинасида 71 ёшли пиёдани уриб, воқеа жойидан қочиб кетди. Ҳолат тафсилотларини вилоят ички ишлар бошқармаси маълум қилди..
Қайд этилишича, туманнинг «Ғазғонтепа» маҳалласи ҳудудидан ўтган Жиззах–Қўқон А-376 йўлининг 292-километрида йўл-улов ҳодисаси содир бўлган.
Хусусан, номаълум автомашина пиёдани уриб юборган. Аммо ҳайдовчи жабрланувчига ёрдам кўрсатмай, воқеа жойидан қочиб кетган. Оқибатда «Бахт» маҳалласида яшовчи 71 ёшли пиёда жойида ҳалок бўлган.
Ҳолат юзасидан туман ички ишлар бўлими ҳузуридаги тергов гуруҳи томонидан жиноят иши қўзғатилиб, олиб борилган тезкор суриштирув ишлари натижасида ушбу қонунбузарликни Зомин тумани «Гулшан» маҳалласида яшовчи фуқаро Damas автомашинасида содир этгани аниқланди.
Изоҳ (0)