Ўзбек кино оламида ўз ўрнига эга режиссёр, продюсер Рустам Саъдиев нима сабабдан «Барон 2» фильмининг актёрлар таркибида 85 фоиз чет эллик актёрлар бўлишини, кинокартина қачон премьера қилиниши, «Барон» фильмининг кинотеатрлардаги намойиши кутилган натижани бермагани, нима сабабдан клиплар суратга олмаётганини ва 2D, 3D, 5D фильмлар Ўзбекистонда ишланмаётгани ҳақида гапирди.
Рустам Саъдиев ўзбек кино оламида нима сабабдан 2D, 3D ва 5D фильмларининг йўқлиги ҳақидаИнсон фактори деган тушунча бор, шу биринчи ўринда бўлиши керак. Ҳозир стандартлар ўзгармоқда, лекин барибир унинг ичида инсон гапиради, гапиртиради. Кўп нарсадан хафа бўламан, режиссёрлар кўпайганидан эмас, ҳақиқий режиссёрлар йўқлигидан. Битта ёки иккита сериаллар қизиқарли чиқади, 90 фоизида ўсиш йўқ. Кино соҳасига умуман алоқаси йўқ инсонлар ҳам кино олмоқда. Бу ҳам инсон руҳиятига таъсир қилувчи соҳа, ҳазиллашиб бўлмайди, ўзига яраша қонун қоидалари бор. Уни билмасдан хоҳлаганича кино олиб, ўзбек миллатининг савиясини тор қилиб қўймоқда, — дейди режиссёр.Рустам Саъдиев нима сабабдан клип суратга олмаяпти?
Менда шунақа одат бор, қайсидир йўналишга кирсам, шу бўйича натижага эришмагунимча ичим тинчимайди. Клип суратга олиш эса мен учун унчалик ёқимли иш эмас, — дейди продюсер.
«Барон» фильмининг кинотеатрлардаги намойиши кутилган натижа олиб келмагани ҳақида
Ҳамма нарсани яхшиликка йўяман. Фильмнинг иккинчи қисмини кутишаётган вақтда биринчиси чиқиб кетди. Биринчи фильмини халқимиз дуо қилиб кўрган бўлса, розиман. Иккинчи қисмида шу дуоларнинг шарофати билан биз яхши маблағга эга бўлармиз. Бир нарсани хоҳлардим, халқимиз кўчада «қароқчилик» қилиб сотилаётган фильм нусхаларига эътибор бермай кинотеатрга келиб кўришса, бизнинг ижодимизга ҳам таъсири бўлади ва маблағлар кейинги фильмларни олишимизга хизмат қилади. Яхши фильмлар фақат давлатнинг кўмаги билан эмас, томошабиннинг кинога бўлган меҳри билан ҳам яралади, — дейди Рустам Саъдиев.«Барон 2» фильми ва унинг актёрлар жамоасида 85 фоиз чет эллик актёрлар роль ўйнаётгани ҳақида
«Барон 2» фильмида фақат рус ва турк актёрлари эмас, фильмда иштирок этаётган актёрларнинг 85 фоизи чет эллик. Унда суриялик, мисрлик, беларуслик, қозоғистонлик, тожикистонлик, туркиялик, россиялик актёрлар суратга тушди. Қолган 15 фоизи ўзбекистонлик актёрлар. Фильм халқаро масштабда суратга олинди. Бадиий кенгашда кино раҳбарлари айрим актёрларни бошқа фильмларга ҳам тавсия қилди. Хурсанд бўлдим, мана бу актёр бу ролни ўйнай олмабди, неча пул бергандингиз дейишди ҳазиллашиб. Ҳамма актёрлар ролига мос тушган, бунга 3-4 йил умрим кетди, сценарийси эса 6 йил олдин ёзилишни бошлаган. Биринчи қисм билан иккинчи қисмнинг орасида 6 йил муддат бор экан. Бу айтишга осон, орада пандемия бўлди, маблағни кутдик. «Барон 2» фильми Ўзбекистон тарихидаги Россия билан ҳамкорликда ишланган биринчи фильм. Фильмнинг мавзуси қизиқ, очиғини айтганда бу мавзулар менга бегона. Асосий ишлайдиган фильмларим комедия, мелодрама жанрида, лекин бу мавзулар ҳам керак. Ўзимни синаб кўраман, бу фильмларнинг юки оғир, лекин бари бир ўзбек киносининг дунёда ўрни бўлиши керак, — дейди режиссёр.
Фильм премьераси август ойининг ўрталарига мўлжал қилинмоқда. Яқин кунларда премьеранинг аниқ куни маълум бўлади. Ҳозирда Ўзбекистон Кинематография агентлиги раҳбарияти Россиядаги ҳамкорлар билан қачон премьера қилинишини келишмоқда, — дейди Рустам Саъдиев.
Мавзуга доир: «90 фоизи бир тийинга қиммат». Режиссёр Рустам Саъдиев ҳозирги ўзбек сериаллари ҳақида (видео).
Изоҳ (0)