Ҳиндистоннинг 68-миллий кино мукофотлаш маросими 22 июль куни бўлиб ўтди, унда Болливуднинг энг яхши кино ижодкорлари тақдирланди.
Тамиллик режиссёр Судҳа Конгара томонидан 2020 йилда суратга олинган «Мардларга олқишлар бўлсин» фильми 5 та мукофотни қўлга киритди. Булар — «Энг яхши фильм», «Энг яхши режиссёр», «Энг яхши мусиқа» (Г.В.Пракаш Кумар) ва «Энг яхши актёр» номинацияларидир.
Ушбу фильмда бош ролни ижро этган Суря ва «Танажи: Кўринмас жангчи» фильмидаги иштироки учун Болливуд юлдузи Кажолнинг турмуш ўртоғи Ажай Девган «Энг яхши актёр» номинациясида ғолиб деб топилган. Суря ўзи яратган 2Д Entertainment’да лойиҳани суратга олди. Кинокартина Deccan Airlines асосчиси Г.Р. Гопинатнинг ҳаёти ҳақидаги воқеаларни ўз ичига олади.
«Мардларга олқишлар бўлсин» фильми ҳинд тилида қайта ишланди ва унда актёр Акшай Кумар иштирок этди. Бу эса томошабинларни ҳайратда қолдирмади, сабаби Суря йил бошида Болливуд ремейкида эпизод ролни ижро этишини тасдиқлаган эди.
Шу билан бирга, миллий мукофотлаш маросимида режиссёр Мадонна Эшвин ҳам мукофотни қўлга киритди, «Мандела» фильмидаги режиссёрлик дебюти учун иккита: «Энг яхши диалог» ва «Тамил тилидаги энг яхши дебют» номинацияларида ғолибликни қўлга киритди.
Актёрлар Сухас ва Чандини Човдари иштирокидаги «Рангли фотосурат» кинокартинаси «Энг яхши телугу фильми» номинациясида мукофотни қўлга киритди.
Малаялам фильми «Айяппан ва Коши», шунингдек, «Энг яхши аёл хонанда» йўналишида Нанжамма, «Энг яхши ёрдамчи актёр» номинациясида Бижу Менон, «Энг яхши трюкларни саҳналаштирувчи» йўналишида Ражасекҳар мукофотларга сазовор бўлди. «Шиваранжани ва бир қанча бошқа аёллар» антологияси «Тамил тилида энг яхши бадиий фильм» мукофотини олди.
«Энг яхши ҳинд фильми» номинациясида «Toolsidas Junior» фильми (ўтган йили вафот этган Ражив Капурнинг сўнгги фильми) ғолиб бўлди.
Ҳинд миллий кино мукофотлаш маросимида ҳар йили кино соҳасида энг яхши натижаларга эришганлар мукофотланади. Ўтган йили 67-миллий кино мукофотлаш маросимида «Bhonsle» фильмидаги роли учун Манож Бажпайи ва «Демон» кинокартинасидаги иштироки учун Дануш «Энг яхши актёр» йўналишида ғолиб бўлган. «Маникарника» кинокартинасидаги роли учун Кангана Ранаут «Энг яхши актриса» деб топилган.
Изоҳ (0)