Том Круз узоқ вақтдан бери Голливуддаги энг кўп ҳақ тўланадиган актёрлар рўйхатида юқори ўринни олиб келади. Кино оламидаги фаолияти давомида у нафақат қийин трюкларни бажаришни, балки ундан яхши маблағ топишни ҳам ўрганди. Актёр бу ҳолатга келгунга қадар машаққатли йилларни бошдан кечирган.
Актёр «Топ Ган: Меверик» фильмидаги роли орқали 100 миллион доллар гонорар олди (гонорар 200 миллион долларга етиши кутилмоқда) ва Голливуддаги энг кўп ҳақ тўланадиган актёрлар орасида юқори ўринни эгаллади. Том Круз даромадининг сири шундаки, у нафақат гонорар, фильмдан тушган фойданинг фоизини ҳам олади. Актёрнинг бу фильмдаги гонорар нархи 13 миллион доллар деб баҳоланган эди, бироқ фильм кутилмаганда катта фойда келтирди, у эса яна қўшимча маблағни қўлга киритди.
Том Круз бу схемадан биринчи маротаба фойдаланаётгани йўқ. У Стивен Спилбергнинг «Оламлар жанги» фильмидаги роли орқали ўзининг энг юқори даромадини қўлга киритди. Бу рол Крузга биринчи марта кассадаги фоизлар билан бирга 100 миллион доллар фойда келтирди. «Топ Ган: Меверик» фильми йилнинг энг кўп даромад келтирган фильми бўлди ва ҳатто Marvel’нинг «Доктор Стренж: Ақлсиз мултиолам» кинокартинасидан ҳам ўзиб кетди. Том Круз иштирокидаги фильм 18 майда катта экранларга чиқди ва шундан кейин 1 миллиард доллардан кўпроқ даромад келтирди. Кинокартина ижодкорлари АҚШдаги прокатлардан 650 миллион доллар ва бутун дунё бўйлаб 671 миллион доллар фойда олди.
Мавзуга доир:
- Голливуднинг энг кўп ҳақ тўланадиган актёр ва актрисалари рўйхати эълон қилинди (фото)
- Жорж Клуни, Том Круз, Кайли Женнер ва бошқа машҳурларнинг энг ҳашаматли уйлари (фото)
- Мила Кунис, Кейт Миддлтон, Том Круз : мухлислари билан оила қурган машҳурлар (фото)
- Том Круз «Уддалаб бўлмас топшириқ» фильмини суратга олиш жамоасига 300 дона торт юборди
- Том Крузнинг «Уддалаб бўлмас топшириқ-8»ни суратга олиш майдончасидаги суратлари тарқалди. Актёрнинг семириб кетгани мухлислар эътирозига сабаб бўлди
Изоҳ (0)