АҚШ президенти Жо Байден унинг маъмурияти Россия билан 2026 йилда тугайдиган START-3 шартномаси ўрнини босувчи янги қурол назорати тизимини муҳокама қилишга тайёрлигини айтди. Бу ҳақда «Kommersant.ru» хабар бермоқда.
Бугунги кунда менинг маъмуриятим 2026 йилда тугайдиган START-3 ўрнини босувчи янги қурол назорати тизимини зудлик билан муҳокама қилишга шай. Россия ҳам Қўшма Штатлар билан ядровий қурол назорати бўйича ҳамкорликни тиклашга тайёр эканини намойиш қилиши керак», — деган Байден Оқ уй сайтида эълон қилинган баёнотда.Шунингдек, Америка президенти Хитой «ядровий қуролга эга давлат сифатида» қуролларни назорат қилишнинг янги тизимини муҳокама қилишда иштирок этиши кераклигини таъкидлади.
2 июнь куни АҚШ Давлат котибининг қуролларни назорат қилиш, текшириш ва мувофиқлик бўйича ёрдамчиси Меллори Стюарт АҚШ START-3 ни 2026 йилдан кейин ҳам узайтирмоқчи эканини айтган эди. 11 июнь куни эса Россиянинг АҚШдаги элчиси Анатолий Антонов Вашингтонга START-3 ўрнини босувчи шартномани ишлаб чиқиш бўйича музокараларни бошлашни таклиф қилган.
Маълумот учун: START-3 — Россияда Стратегик ҳужум қуролларини янада қисқартириш ва чеклаш чора-тадбирлари тўғрисидаги шартноманинг (START) энг кенг тарқалган номи. Шартнома муддати 2021 йилнинг февралида тугагач, Дональд Трамп маъмурияти уни узайтириш учун Хитойдан шартномага қўшилиш ва бошқа шартларни бажаришни талаб қилди. Жо Байден 2021 йил бошида президент лавозимини эгаллаганидан кейин эса Россия билан ушбу шартномани узайтирди.
Мавзуга доир: Тайван ҳукумати АҚШ билан хавфсизлик соҳасида ҳамкорликни кенгайтириш зарурлигини таъкидламоқда
Изоҳ (0)