Alina Kabayevaning singlisi bankrot deb e’lon qilindi — u kreditorlardan 23 ming dollardan ortiq qarz bo‘lgan 

Tatariston Respublikasi arbitraj sudi Alina Kabayevaning amakivachchasi Leysan Kabayevani bankrot deb topdi.

Kabayevaning o‘zi bankrotlik to‘g‘risida ariza bergan. Ish materiallaridan ma’lum bo‘lishicha, uning kreditorlar oldidagi qarzi 1,43 million rublni (23,7 ming dollar) tashkil etgan. Qarzni o‘zi to‘lay olmagan, Alina esa unga moddiy yordam bermagan.

Sud qarorida Leysan Kabayevaning tarjimai holi haqida yana bir nechta qiziq tafsilotlar mavjud. U turmushga chiqmagan, farzandlari yo‘q. Shuningdek, Kabayeva yakka tartibdagi tadbirkor emas, qimmatli qog‘ozlar va mol-mulk bilan bitim tuzmagan, yuridik shaxslarning ustav kapitalida ham ulushga ega emas. Hozir u “Arskiy g‘isht zavodi” AJda ishlaydi.

Sud Kabayevani bankrot deb topdi, uning mulki sotiladi.

Alina Kabaevaning tug‘ishgan singlisi ham bor, uning ismi ham Leysan. Turmushga chiqqan, farzandi bor. U biznes bilan shug‘ullanadi, “Reserve-M” kompaniyasi rahbari. Ushbu kompaniya “Kuntsevo” sport-sog‘lomlashtirish majmuasiga egalik qiladi, uni Alinaning onasi Lyubov Kabaeva boshqaradi.