АҚШ мамлакат вакиллар палатаси спикери Нэнси Пелосининг Тайванга ташрифи оқибатлари қандай бўлишини тушуниши керак, бу икки давлат ўртасидаги алоқаларга путур етказади. Бу ҳақда Хитой Халқ Республикасининг БМТдаги доимий вакили Чжан Цзюань 1 август кунги матбуот анжуманида айтиб ўтди, деб ёзади «РБК».
«Бу мамлакатлар ўртасидаги алоқаларга путур етказади. Биз Тайван масаласида ҳар қандай айирмачилик ҳаракатларига, шунингдек, ХХРнинг ички ишларига аралашувга қатъий қарши турамиз», — деди дипломат.
Доимий вакилнинг қайд этишича, Хитойнинг ҳудудий яхлитлиги масаласи мамлакат учун қизғин бўлиб турибди ва у Хитой томони ҳеч кимнинг кесиб ўтишига йўл қўймайдиган «қизил чизиқ» ҳисобланади.
АҚШ Конгресси Вакиллар палатаси спикери Нэнси Пелоси ўзининг Осиё мамлакатлари бўйлаб сафари доирасида барибир Тайванга ташриф буюриши ҳақида CNN Тайвань ва АҚШ раҳбариятларидаги манбаларига таяниб маълум қилди.
Пелоси Оқ уйнинг огоҳлантиришларига қарамасдан, оролга учиб келмоқчи, у Тайванда бир кеча қолмоқчи. Аммо бу қачон бўлиши номаълум. Айни пайтда Пелоси Сингапурда бўлиб турибди.
Пелосининг Осиё сафари дастурига расман Малайзия, Сингапур, Япония ва Жанубий Корея киритилган.
Пелосининг Тайванга ташрифига Хитой кескин қаршилик кўрсатмоқда. Хитой ижтимоий тармоқларида Пелосининг самолёти Тайвань ҳаво ҳудудига кирса, уни уриб туширишга даъватлар пайдо бўлди. Хитой етакчиси Си Цзиньпин АҚШ президенти Жо Байден билан суҳбатда Вашингтонни «ўт билан ўйнашмаслик»ка чақирганди.
Пелоси АҚШ Конгресси Вакиллар палатасининг сўнгги 25 йил ичида Тайванга ташриф буюрган биринчи спикерига айланиши мумкин.
Тайвань Хитойдан ажралиб чиққани ҳақида 1949 йилда, фуқаролар уруши даврида эълон қилган. Пекин оролнинг мустақиллигини тан олмайди ва уни ўз провинцияси деб ҳисоблайди. АҚШ оролда эълон қилинган Хитой республикаси билан дипломатик алоқалар ўрнатмаган бўлса-да, 1979 йилдан буён амал қилиб келувчи қонунга кўра, минтақага ўзини ҳимоялаш учун қурол етказиб бера олади.
Изоҳ (0)