Тошкент вилояти Бўстонлиқ туманидаги «Чорвоқ оромгоҳи» («Пирамида») дам олиш маскани сотилди. Бу ҳақда Давлат активларини бошқариш агентлиги маълум қилди.
Оромгоҳ 208 млрд сўмга сотилган. Савдо ғолиби сифатида VIP Logistics қўшма корхонаси кўрсатилган.
Дам олиш маскани 2021 йили 35,4 млн сўмлик даромад кўрди. «Пирамида» аввалги икки йилни зарар ёки кичик фойда билан тамомлаган эди.
Оммавий савдоларда 4 нафар талабгордан «E-auksion» портали орқали таклифлар келиб тушган. Энг юқори нарх VIP Logistics томонидан таклиф этилган.
VIP Logistics компанияси 2011 йил августда рўйхатдан ўтказилган. Қўшма корхона автомобиль транспортида юк ташиш билан шуғулланади.
Компаниянинг устав фонди 2,7 млрд сўмни ташкил қилади. Раҳбар сифатида Дилмурод Раҳматуллаев кўрсатилган.
Изоҳ (0)