Фарғона вилоятида жойлашган «Qortuz» корхонаси Тошкент шаҳридаги «Orzu» савдо белгиси остида чиқаётган истеъмол тузи дизайнини такрорлагани маълум бўлди. Бу ҳақда «Hudud24.uz» хабар берди.
Қадоқда «Qoktuz» сўзининг «орту» ҳарфлари қизил ранг билан ажратиб ёзилгани, «Т» ҳарфи «Z» шаклига ўхшатиб тасвирлангани, «U» ҳарфининг ўнг тарафида шуълалар тасвири, ёзилиш услуби, шрифт тури, жойлашган жойи ва ҳошияда юлдуз шаклининг мавжудлиги, фони ва бошқаларга асосан «Orzu osh tuzi»га истеъмолчиларни адаштириб юбориш даражасида ўхшашлиги аниқланди.
Шунга кўра, компанияга нисбатан Маъмурий жавобгарлик тўғрисидаги кодекснинг 177-моддаси билан маъмурий ҳуқуқбузарлик тўғрисидаги баённома расмийлаштирилиб, жиноят ишлари бўйича туман судига юборилди.
Суд Фарғона вилоятида жойлашган компанияни ҳуқуқбузарлик содир этган деб топиб, маъмурий жарима жазоси тайинлади.
Аввалроқ Ўзбекистонда рақобат қонунини бузган компаниялар рўйхати янгилангани ҳақида хабар берилганди.
Изоҳ (0)