Ўзбекистонда 2022 йилнинг январь—июнь ойларида озиқ-овқат маҳсулотлари импортида юқори улушга эга бўлган давлатлар маълум қилинди.
Унга кўра, сотиб олинаётган озиқ-овқатларнинг 37,9 фоизи Қозоғистонга тегишли. Иккинчи ўринда 25,6 фоиз билан Россия қайд этилган. Бразилия учинчи ўринни эгаллади — 11,9 фоиз.
Ўзбекистон Қозоғистондан 375 млн долларлик буғдой импорт қилади. Ушбу маҳсулот импорт қилинаётган озиқ-овқат турлари ичида етакчи бўлиб, 23,2 фоизни ташкил қилади ва деярли барчаси Қозоғистондан келтирилади.
Бундан ташқари, 2022 йилнинг ярмида бу мамлакатдан маргарин импорти кескин ошди — 13 баробар.
Ўзбекистонга Қозоғистондан 30 млн доллар атрофида маргарин маҳсулотлари ва қорамол гўшти олиб келинган.
Йил бошидан бери Россиядан энг кўп маргарин маҳсулотлари, Бразилиядан шакарқамиш, Беларусдан қорамол гўшти импорт қилинган.
Аввалроқ Ўзбекистонда деярли барча бананлар Эквадордан келтирилиши ҳақида хабар берилган эди.
Изоҳ (0)