Хитой тўртта қирувчи самолётини Тайваннинг ҳаво мудофаасини аниқлаш зонасига киритди

Хитойнинг тўртта Ж-16 қирувчи самолёти Тайваннинг ҳаво мудофаасини аниқлаш зонасига кирди. Бу ҳақда Тайван Мудофаа вазирлиги маълум қилди.

Қайд этилишича, АҚШ Конгресси Вакиллар палатаси спикери Нэнси Пелоси ярим оролга келиши мумкинлиги ҳақидаги миш-мишлар ортидан Хитой Халқ озодлик армиясининг тўртта қирувчи самолёти ушбу ҳудудга кирган.

«Хитойнинг тўртта Ж-16 самолёти 2022 йил 1 август куни Тайваннинг жануби-ғарбий ҳаво мудофаасини аниқлаш зонасига кирди», — дейилади хабарда.

Айтилишича, самолётлар оролнинг жануби-ғарбий сувлари устидан ўтган. Чегарани бузишнинг олдини олиш учун Тайван ҳарбийлари зенит тизимларини жойлаштирган ва радио орқали огоҳлантиришлар берган.

Эслатиб ўтамиз, Тайван ҳукумати АҚШ билан хавфсизлик соҳасида ҳамкорликни кенгайтириш зарурлигини билдирганди. Шунингдек, Хитой армияси раҳбарияти аскарларни урушга тайёрланишга чақирган.