Аёллар футболи бўйича Евро—2022 финали мухлислар ташрифи бўйича рекорд қайд этди.
Англия ва Германия терма жамоалари ўртасидаги финал баҳсида инглизлар 2:1 ҳисобида ғалаба қозониб, ўз тарихида илк бор чемпионга айланди.
«Уэмбли»да бўлиб ўтган учрашувга 87 192 томошабин ташриф буюрган.
Бу аёллар футболи бўйича ҳам, эркаклар футболи бўйича ҳам Европа чемпионати рекорди ҳисобланади.
Европа чемпионати финаллари бўйича аввалги рекорд ҳар иккала жинс вакиллари учун 1964 йилда ўрнатилган. Ўша вақтдаги эркаклар ўртасидаги «Сантиаго Бернабеу»да бўлиб ўтган Испания ва СССР терма жамоалари баҳсига 79 115 мухлис ташриф буюрган.
Изоҳ (0)