«Манчестер Юнайтед» 31 июль куни «Райо Вальекано» билан ўртоқлик ўйини (1:1) ўтказди.
Учрашувда Криштиану Роналду ҳам иштирок этди. Португалиялик футболчи голли вазиятларда иштирок этмади ва танаффус вақтида захирага олинди.
37 ёшли ҳужумчи ўйин тугашига 8 дақиқа қолганда «Олд Траффорд»ни тарк этган. Мухлислар Роналду билан стадион атрофида суратга тушишга улгурган.
Ўйиндан сўнг Криштиану Twitter саҳифасига «Қайтганимдан хурсандман», деб изоҳ қолдирди.
Роналду манкунианликларнинг мавсумолди йиғини доирасидаги бешта ўртоқлик учрашувини ўтказиб юборди. Ушбу ўйинларда «қизил иблислар» 3 та ғалабага эришди, битта дуранг ва битта мағлубият қайд этди.
Изоҳ (0)