Оилада кундалик менюни кенгайтириш осон бўлмаслиги мумкин. Шундай таомлар борки, ҳамма истеъмол қилади, лекин вақти келиб, медага тегади. Турли хил салат ҳамда таомлар тайёрлаш мумкин бўлган фунчозани қандай пиширишни билиб олиш эса бекажонлар учун айни муддао. Уни турли хил соуслар билан ҳам истеъмол қилиш мумкин, деб ёзади Wday.
Фунчоза пишириш учун қанча вақт кетади?
Фунчозанинг бир неча турдагилари мавжуд бўлиб, улар қалинлиги билан ажралиб туради. У гуруч ва крахмалдан тайёрланади. Шунингдек, фунчозани машҳур итальян таомларининг аждоди бўлган макарон турига киритадиганлар ҳам бор.
Фунчоза бир-бирига ёпишмаслиги ва юмшаб кетмаслиги учун қандай пишириш керак:
- Қалинлиги 0,5 мм дан кам бўлган паста қайнатилмайди. У чуқур идишда қайноқ сув билан димланади. 3-5 дақиқадан сўнг у шаффоф бўлиб, истеъмол қилишга тўлиқ тайёр бўлади. Уни ювиш ёки ёғлаш керак эмас. Соус, гўшт, сабзавотлар билан аралаштириб, дастурхонга тортиш мумкин. Бундан ташқари, шўрваларга пиширишнинг охирги босқичида қўшиш тавсия этилади.
- Қалинроқ фунчозани кўп миқдорда қайноқ сувда қайнатиш керак. Пишириш вақти шаффоф бўлгунга қадар 2-4 дақиқа давом этади.
- Пишириш вақтини ўзгартирмаслик керак. Фунчоза меъёрда пишиши, аммо ўта юмшаб кетмаслиги керак.
Тўғри пиширилган фунчоза кўплаб нафис ва экзотик таомларнинг асосидир. Уни тайёрлаш одатдагидан бироз фарқ қилади:
- фунчоза жуда кўп миқдордаги сувда қайнатиб олинади, шу билан бирга кучли қайнатиш керак;
- сувга бир қошиқ ўсимлик ёғи қўшилади: бу маҳсулотнинг бир-бирига ёпишмаслигига ёрдам беради;
- фунчозадан қанча истеъмол қилинса, шунча пишириш керак, чунки сақлаш вақтида фунчоза бир-бирига ёпишади ва еб бўлмайдиган ҳолатга келади;
- тайёр бўлган фунчоза енгил кул ранг ҳамда шаффоф кўринишда бўлади;
- маҳсулот қадоғига эътибор бериш керак, унда пишириш вақти ёки маълум турдаги фунчозани тайёрлашнинг бошқа усули кўрсатилади.
- пишган маҳсулот муздек сув оқими остида ювилади, бу уни тезда совитиш имконини беради;
- фунчоза фақат пиширилган ҳолатдагина майдаланиши мумкин, уни спагетти каби пиширмасдан аввал синдириб бўлмайди.
Изоҳ (0)