Бу ҳар бир хонадонда эртами-кеч содир бўладиган ҳолат: пайпоқнинг бири изсиз йўқолади, иккинчи пойи эса қолади. Лекин уни ташлашга шошилмаслик керак, чунки ундан бошқа мақсадда ҳам фойдаланиш мумкин. «Новий очаг» нашри бир пой пайпоқ билан амалга ошириш мумкин бўлган лайфхакларни тақдим этди.
Соябон учун ғилоф
Агар соябон ғилофи йўқолса, уни тоза пахта пайпоқ билан алмаштириш мумкин. Албатта, бундай аксессуар билан ташқарига олиб чиқиб бўлмайди, лекин уйда сақлаш ва соябонни мумкин бўлган шикастланишдан ҳимоя қилиш учун жуда мос келади.
Юзаларни порлатиш
Юмшоқ матоли пайпоқ мебель юзаси, шунингдек, кумуш, мис ёки қалайдан ясалган буюмларни янада ёрқинроқ қилиш учун энг яхши танлов. Уни ишлатиш жуда қулай ва у ўзидан ҳеч қандай из қолдирмайди.
Тизза учун ҳимоя воситаси
Пол устида узоқ вақт тиз чўкишни талаб қиладиган ишларни бажараётганда эски, фойдаланилмаган пайпоқлар тиззаларни ҳимоя қилишга ёрдам беради. Бунинг учун пайпоқнинг юқори қисми кесиб олинади, сўнгра тизза соҳасига кийиб, бир неча марта қайриш, ичига пахта ёки бошқа юмшоқ мато қўйиш мумкин.
Музлаб қолган машина тозалагичлар
Машинанинг тозалайдиган таёқчаларни музлаб қолмаслиги учун уларга пайпоқ кийдириб қўйиш мумкин. Фақат артгичларни ойнага бостириб қўймаслик керак. Чунки шишадан музлаб қолган матони олиб ташлаш осон эмас.
Швабра учун қоплама
Узун ва юмшоқ матоли пайпоқ швабра учун ажойиб қопламага айланади. Пахта мато намликни яхши шимиб олади ва полда чизиқлар қолдирмайди. Тозалашдан кейин пайпоқни оддий машинада ювиш мумкин.
Жалюзиларни тозалаш
Эскирган пайпоқлар чанг тозалаш учун ажойиб воситадир. Бунинг учун пайпоқ қўлган кийиб олинади ва жалюзининг ҳар икки томони бирданига тозаланади.
Чангларни артиш
Пайпоқлар хона гуллари барглари, вентилятор парраги ва бошқа ҳар қандай сиртдаги чангни тозалаш учун айни муддао.
Майда жиҳозлар
Полда сочилган михларни йиғиш ёки диван остидаги майда буюмларни топиш керакми? Чанг юткич трубасига юпқа пайпоқ кийдирилади ва у қаттиқ эластик тасма билан маҳкамланади. Шундай қилиб, топилган буюмлар чанг юткич ичига эмас, балки мато устида қолади.
Хушбўй таратувчилар
Чойшаб ва сочиқларни ёқимли ҳидлар билан хушбўйлантириш учун, эфир мойига намланган пахтани пайпоқлар ичига жойлаб, жавонга қўйиш мумкин. Шунингдек, унинг ичига қуруқ хушбўй ўтларни ҳам солиш тавсия этилади — ялпиз, райҳон, атиргул барглари сингари.
Қуруқ қаҳва доначалари билан тўлдирилган пайпоқлар шкаф ёки музлаткичдаги чириётган ва заҳ ҳидлардан халос бўлишга ёрдам беради.
Изоҳ (0)