Тозалаш — қийин ҳамда такрорий жараён. Ҳар куни шунчаки чанг артишдан бошланган иш бошқаларига уланиб, умумий тозалашга айланиб кетади. Беихтиёр бутун кун тозалаш билан ўтиб кетади. «Новий очаг» нашри уй юмушларини бироз осонлаштирадиган лайфхаклар билан бўлишди.
Ролик, скотч ва губка
Баъзида жунли кийимлар ёки ҳайвонларнинг туклари мебелларга ёпишиб қолгандек туйилади ва уни тозалаш жуда қийин. Агар уйда кийим учун ёпишқоқ ролик бўлмаса, унда оддий скотч ёки идиш-товоқ учун губка сув билан намланганда тозалашга ёрдам беради.
Скотч излари ва доғлар учун чақалоқларга мўлжалланган ёғ
Ёрлиқлардан қолган ёпишқоқ скотч ёки елим излари ҳар қандай одамнинг ғашига тегиши мумкин. Маълум бўлишича, улар оддий чақалоқ ёғи билан мукаммал тарзда тозаланади.
Оёқ кийимларини ювишда эски сочиқлар
Агар кроссовкаларни тозалаш керак бўлса, ушбу лайфхак айни муддао: бир нечта эски сочиқ билан бирга уларни ювиш керак. Шунда оёқ кийимлар кир машина барабанига урилмайди ва яхшироқ тозаланади.
Доғларга қарши восита — кир ювиш совуни
Бу бир нечта тажрибада синовдан ўтган, ҳатто катта доғларни кетказишда ҳам ёрдам беради. Шунчаки керакли жой намланади, кир совун доғ устига қўлланади ва ярим соатга қолдирилади. Кейин совун чайилмасдан, кир машинасида ювилади.
Эски тиш чўткасини ташламанг
Ҳаммомдаги кафеллар орасида, бурчаклар, чуқурчалар ва бошқа жойларни тозалаш одатда жуда қийин. Бундай ҳолатлар учун эски тиш чўткаси айни муддао. У ҳамма жойга етиб боради.
Хокандоз учун скотч
Хокандоз қанчалик ерга босилмасин, чиқиндиларнинг қолдиқларини супуриб ташлаш ҳар доим қийин. Маълум бўлишича, бу жараённи сезиларли даражада тезлаштириш мумкин: шунчаки скотч хокандозга ёпиштирилади. Ҳеч қандай бўшлиқ қолмай, барча чиқинди хавфсиз тарзда хокандозга тушади.
Изоҳ (0)