Қанчалик кўп ҳаракат қилинмасин, уй ҳали ҳам тартибга келмаяптими? «Новий очаг» нашри кенг тарқалган тозалаш хатолари ҳақида сўз юритади. Чунки қуйидаги камчиликлар уйни тозалашга ва қулайлик яратишга тўсқинлик қилади, аксинча, пол, кафел, мебеллар ва маиший техникаларга ҳам зарар етказиши мумкин.
Чангни қуруқ артиб олиш
Чангни тозалаш, албатта, яхши нарса, лекин қуруқ латта билан чангни тозалаш фойдасиздир. Чанг жавонлар юзасидан артилади, аммо бошқа сиртларга жойлашади: пол, чойшаблар, гиламларга ва юмшоқ мебелларга — шу тарзда уй ичида айланиб юради. Хулоса оддий, ҳар доим чангни нам мато билан артиб олиш керак. Компьютер ва телевизор экранлари ва намлик мумкин бўлмаган баъзи махсус сиртлар бундан мустасно.
Полни нам мато билан ювиш
Маълумки, кўп миқдордаги намлик ёғоч пол ёки ламинат учун мумкин эмас. Сув бутунлай қайтариб бўлмайдиган зарарга олиб келиши мумкин. Бундай нарсалар кафел поллар учун айни муддао, лекин ёғоч учун эмас, бу полларнинг деформацияси ва шишишига олиб келиши мумкин. Агар полда синган ёки ёриқлар бўлса, ортиқча сув ичкарига кириб, ёғочга зарар етказади. Шунинг учун, асосийси поллар ифлос бўлгунча кутмасдан, тез-тез ўта нам бўлмаган ҳолатда артилиши керак.
Ҳеч қачон ёстиқларни ювмаслик
Чойшабни ҳафтада бир марта алмаштириш керак, буниси маълум, лекин йиллар давомида тозаланмасдан қолиб кетган ва шунчаки ўзида миллиардлаб бактерияларни тўплаган ёстиқ-чи? Аксарият ёстиқларда ювиш бўйича кўрсатмалар мавжуд, аммо кўпчилик бунга эътибор бермайди. Ёстиқ жилдларига қараб ҳам ундаги сариқ, чизиқлар ва доғларни кўриш мумкин. Шунинг учун ҳар 3-6 ойда кир ювиш машинасида ёстиқларни ҳам ювиш ва янгиларини сотиб олаётганда, уларни бир неча ойда ювиш кераклигини дарҳол ҳисобга олиш лозим.
Маиший техника ҳақида унутиб қўйиш
Ҳақиқат шундаки, уйни тозалаш, идишларни ювиш ёки ювиладиган барча жиҳозлар мунтазам парваришни талаб қилади. Аммо ҳар 3 йилда ускунани янгисига ўзгартириш имкони бўлса ҳам, буни ҳеч ким эсламайди. Аммо фильтри тиқилиб қолган ва халтаси тўлиб қолган чангютгич чангни ёмонроқ тортади, кир ювиш машинаси ёки идиш-товоқ машинаси ҳам вақти келиб эскиради. Буларнинг барчаси, қўшимча равишда, вақт ҳамда энергия йўқотишларига ва юқори электр тўловларига олиб келади. Масалан, ювилгандан кейин кийимдан моғор ҳиди кела бошласа, демак, кир ювиш машинасидаги муаммони ҳал қилиш вақти келган.
Ёритиш мосламаларига эътиборсизлик
Хона лампочкалари куйиб қолган ва тез-тез алмаштиришни талаб қилган бўлса, узоқ муддатли тежамкор лампалар кўп вақт давомида буни унутишга имкон беради. Чироқ қанчалик эски бўлса, унда чанг кўпроқ тўпланади ва бу нафақат ёқимсиз, балки ёнғинга ҳам олиб келиши мумкин.
Тахтакачларни совун билан ювиш
Аксарият бекажонлар ошхона тахтакачини идиш-товоқ гели билан ювади. Иссиқ сув ва ювиш воситалари ёғоч ва пластмасса тахталарида тўпланган хавфли бактериялар билан кураша олмайди. Ножўя таъсирнинг олдини олиш учун хом гўшт ва балиқни учун ишлатиладиган тахтакачларни ҳафтада камида бир марта дезинфекция қилиш керак. Энг самарали усул — уларни 20-30 дақиқа давомида оқартиргичга бўктириб қўйиш.
Қуёшли кунда деразаларни ювиш
Бунинг сабаби шундаки, шиша тўғридан-тўғри қуёш нурида тез қурийди ва барча саъй-ҳаракатларни инкор этадиган ёқимсиз чизиқлар ва доғлар қолади. Деразаларни булутли ҳавода, айниқса эрталаб ҳарорат 20 даражадан юқори бўлмаганда тозалаш керак.
Изоҳ (0)