«Новий очаг» нашри кондиционер бўлмаганда, иссиқ хонада тезроқ уйқуга кетиш бўйича самарали маслаҳатлар билан бўлишди.
Чойшаблар
- Биринчидан, ипак чойшаб танлаш тавсия этилади. Табиий толали матолар иссиқда танани қизитиб юбормайди.
- Иккинчидан, ипларнинг минимал сонига эга бўлган энг нозик матоли чойшабни танлаш яхшироқ. Бошқача қилиб айтганда, тўрли пахта ёки зиғир чойшаб энг яхши танлов бўлади.
- Учинчидан, уйқуга ётишдан бир неча соат олдин барча чойшабларни музлаткичга қўйиш мумкин. Унинг совуқлиги ухлаб қолиш вақти учун етарли бўлиши керак.
Бундай вақтда аввало кийим ҳам терига иссиқдан кўра кўпроқ ноқулайлик туғдирмаслиги керак. Шунинг учун ёз мавсумига мос, тунги, уйқу учун табиий материаллардан тайёрланган енгил пижамаларни танлаш тавсия этилади.
Душ қабул қилиш
Яна бир тавсия, ётишдан олдин салқин душ олинг. У кун давомида тўпланган барча чанг ва терларни ювади. Натижада организм ўзини енгил ҳис қилади. Бундан ташқари, тозалик ва қулайлик ҳисси яна ярим соат давом этади.
Салқинлаш учун
Иситиш (грелка) ёстиғини олиб, ичига совуқ сув қуйинг ва музлаткичга қўйинг. Ётоққа тўшалган кўрпача ва чойшаб остига грелка қўйилади. У ётоқни совитиши керак. Аммо уни тўғридан-тўғри бел остига қўйиш нафас олиш органлари ёки буйракларни шамоллатиши мумкин.
Яна бир усул — совуқ компресслардан фойдаланиш. Уларни букилиш жойларига — тирсак ва тиззалар, товонлар, болдир ва билакларга қўллаш тавсия этилади.
Агар хонада вентилятор бўлса, унинг олдига муз билан тўлдирилган идиш қўйиш керак. Бундай ҳолда, уни тўлиқ қувват билан ёқиш шарт эмас. Енгил салқин шабада ҳам хона ҳароратини меъёрда ушлаб туради.
Тезроқ ухлаб қолиш учун тананинг қисмларига қулайлик яратиш жуда ҳам муҳим. Масалан, сочлар учун бўлса, уларни бошнинг юқори қисмига турмаклаш лозим. Акс ҳолда ёйилган сочлар баданнинг қизиши ҳамда терлашига олиб келади.
Изоҳ (0)