Сешанба, 26 июль куни кечқурун Европада газнинг спот нархи куб метр учун 2 200 доллардан ошди. Бу «Шимолий оқим»даги яна бир газ насос агрегатининг тўхтатилиши фонида содир бўлмоқда.
Сешанба оқшомида ICE Futures биржасида энг яқин (август) ТТF фьючерслари нархи 2 244 долларгача кўтарилди.
Бир кун аввал савдолар 1 852 доллар даражасида ёпилган ва ой бошидан буён котировкалар ўртача 1 720 долларни ташкил қилган. Шу тариқа 24 соат ичида спот газ нархи 400 долларга ошди.
25 июль куни «Газпром» капитал таъмирлашгача бўлган вақт тугаганлиги сабабли Siemens газ турбинали двигателининг фаолияти тўхтатганини эълон қилди.
Натижада, 27 июль куни Москва вақти билан соат 07:00 дан бошлаб Portovaya CS’нинг кунлик ишлаб чиқариш ҳажми 33 миллион кубометргача бўлади. Айни пайтда бу кўрсаткич кунига 67 миллион куб метр ва у 40 фоизга қисқаради.
Rystad Energy тадқиқот компанияси таҳлилчиларининг қайд этишича, «Шимолий оқим» орқали етказиб беришнинг бундай даражаси билан Европа Иттифоқи учун 1 ноябргача ер ости омборларидаги газ захираларининг мақсадли даражаси 80 фоизга етиши жуда қийин бўлади.
Бундан ташқари, таҳлилчилар АҚШнинг Европага LNG (суюлтирилган газ) етказиб бериши қийин кечиши ҳақида огоҳлантирмоқда.
Изоҳ (0)