Тошкент шаҳрида фуқарога сертификат олиб беришни ваъда қилган фирибгар ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Тошкент шаҳар бошқармаси томонидан Давлат хавфсизлик хизмати ходимлари билан ҳамкорликда тезкор тадбир ўтказилган. Унда фуқаро Н.Т. бошқа бир фуқаро Х.га ҳеч қандай имтиҳонларсиз, чет тилини билиш даражаси тўғрисидаги Linguaskill сертификатини олиб беришни айтгани аниқланган. У хизмати эвазига 2,5 минг долларни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)