Жиззах вилоятидаги Арнасой кўлида ноқонуний балиқ овлаган шахслар ушланди, деб хабар бермоқда Давлат экология қўмитаси.
Қайд этилишича, 24 июль куни Арнасой кўллар тизимида олиб борилган экологик назорат рейд тадбирларида уч нафар фуқаро томонидан ноқонуний равишда 216 дона балиқ овлангани аниқланган. Ҳуқуқбузарлар томонидан овланган 218,5 кг балиқларни овлаш учун тегишли ташкилотлардан ҳеч қандай ҳужжатлар расмийлаштирилмаган.
Ноқонуний балиқ овлаш оқибатида 61 миллион 530 минг сўм миқдорида табиатга зарар етказилгани маълум бўлган.
Айни вақтда ҳолат бўйича тўпланган ҳужжатлар суриштирув ишларини олиб бориш учун тегишли идораларга топширилган.
Изоҳ (0)