Бугунги кунда барча соҳалар ислоҳотларга ҳамоҳанг тарзда ривожланиб бормоқда. Биргина «Агробанк» АТБ томонидан амалга оширилган кенг кўламли трансформация жараёнлари натижасида банк экотизими яратилди. Шунинг натижасида хизматлар кўлами ошиб, сифат жиҳатдан янги босқичга кўтарилди. Айниқса, қишлоқ хўжалигини илмий асосда тараққий эттиришда ҳам кўзга кўринарли амалий ишлар олиб борилмоқда. Ўзбекистон Республикаси Президентининг 2021 йил 16 декабрда «Томорқадан фойдаланиш самарадорлигини ошириш, шунингдек, аҳолининг тадбиркорлик ташаббусларини молиявий қўллаб-қувватлаш бўйича қўшимча чора-тадбирлари тўғрисида»ги қарори ижроси юзасидан аниқ мақсадли саъй-ҳаракатлар бошлаб юборилган.
Хусусан, томорқа эгаларига қулайлик яратиш мақсадида янги «Агрозамин Ўзимизники» онлайн платформаси ишлаб чиқилди ва жорий йил 1 апрелдан ишга туширилди.
Бу платформа орқали томорқа ер эгасига ўз маҳсулотини онлайн сотиш, уруғ, кўчат, минерал ўғитларни сотиб олиш, видео қўлланмалар, онлайн маслаҳат олиш имконияти яратилди. Шунингдек, мазкур платформа орқали маҳсулот ва хизматларни онлайн тарзда «Агромарказ»ларга буюртма бериш имконияти тақдим этилди.
Шунингдек, республика бўйича томорқа ер эгалари, деҳқон ва фермер хўжаликлари ва бошқа қишлоқ хўжалигининг барча бўғинларига «бир дарча» тамойили асосида хизмат кўрсатиш учун ҳудуд ихтисослашувидан келиб чиқиб «Агромарказ» лар ташкил этилади.
Ана шундай «Агромарказ»лар фаолияти билан яқиндан танишиш мақсадида, жорий йилнинг 23 июль куни «Агробанк» АТБ томонидан оммавий ахборот воситалари вакиллари иштирокида Фарғона вилоятига пресс-тур ташкил этилди.
Тадбир давомида иштирокчилар Фарғона шаҳри ва вилоятнинг Ўзбекистон туманида жойлашган «Агромарказ»ларни кўздан кечиришга ва ушбу марказлар томонидан кўрсатилаётган хизматларни жойида кўришга муваффақ бўлишди.
Бу марказлар орқали томорқа эгалари, деҳқон хўжаликлари ва бошқа қишлоқ хўжалик етиштирувчиларига барча турдаги, хусусан, ерга ишлов бериб, уруғ қадашдан то тайёр маҳсулотгача бўлган занжирли тизимни қамраб олган тизимдаги хизматлар кўрсатилади.
Хусусан, «Агромарказ»ларда:
- агроном, ветеринар, ўсимликларни ҳимоя қилиш, хизмат кўрсатувчи мобил гуруҳлар, томчилатиб суғориш, паррандачилик, қуёнчилик, боғдорчилик ва узумчилик йўналишида консалтинг (маслаҳат) хизмати;
- техника хизматлари, минерал ўғитлар етказиб бериш, сунъий уруғлантириш, транспорт хизматлари;
- етиштирилган маҳсулотларни сотиб олиш, қайта ишлаш ва сотиш тизими ҳам йўлга қўйилади.
Оммавий ахборот воситалари пресс-тур давомида «Агромарказ»ларда яратилган шарт-шароитлар, имкониятлар билан яқиндан танишиб, қизиқтирган саволларига соҳа мутахассисларидан батафсил жавоб олишди.
«Агрозамин Ўзимизники» мобил иловасини юклаб олинг.
Алоқа маркази: +99878 150 00 88
Сайт: uzimizniki.agrozamin.uz
Telegram: uzimizniki_agrozamin
Facebook: uzimiznikiagro
Instagram: uzimizniki
YouTube: Agrozamin O‘zimizniki
Реклама ҳуқуқи асосида.
Изоҳ (0)