Фарғона шаҳрида «Орият—2022» рейд тадбири ўтказилиб, унда массажхона ходимлари интим хизматлар ҳам кўрсатгани маълум бўлди ва улар жаримага тортилди.
Мурожаатларга кўра шаҳардаги айрим массажхоналар кўздан кечирилган. Аниқланишича, ушбу муассасаларда массаждан ташқари интим хизматлар ҳам кўрсатиб келинган. Мижозлардан бири ўша ерда ишловчи қизга хизмати эвазига 250 минг сўм берганини айтган.
Массажхонани ташкил қилган тадбиркор ҳам воқеа жойига етиб келиб, бундай интим хизматлар массажнинг бир қисми эканини маълум қилган.
«Агар ‘релакс’ массаж бўлса, унинг ичида бу хизматлар бўлиши мумкин. Сабаби эркак ва аёл киши бир хонада қолгандан кейин шундай бўлади. Қизлар ўз вазифасини бажарган», — дея тадбиркор ҳолатни изоҳлаган.
Массажчиларнинг иши Фарғона шаҳри судида кўриб чиқилди. Биринчи марта бундай ишларни қилаётгани ҳисобга олиниб, уларга базавий ҳисоблаш миқдорининг 7 баробари (2 миллион 100 минг сўм) қийматида жарима тайинланди.
Изоҳ (0)