Farg‘ona shahrida “Oriyat—2022” reyd tadbiri o‘tkazilib, unda massajxona xodimlari intim xizmatlar ham ko‘rsatgani ma’lum bo‘ldi va ular jarimaga tortildi.
Murojaatlarga ko‘ra shahardagi ayrim massajxonalar ko‘zdan kechirilgan. Aniqlanishicha, ushbu muassasalarda massajdan tashqari intim xizmatlar ham ko‘rsatib kelingan. Mijozlardan biri o‘sha yerda ishlovchi qizga xizmati evaziga 250 ming so‘m berganini aytgan.
Massajxonani tashkil qilgan tadbirkor ham voqea joyiga yetib kelib, bunday intim xizmatlar massajning bir qismi ekanini ma’lum qilgan.
“Agar ‘relaks’ massaj bo‘lsa, uning ichida bu xizmatlar bo‘lishi mumkin. Sababi erkak va ayol kishi bir xonada qolgandan keyin shunday bo‘ladi. Qizlar o‘z vazifasini bajargan”, — deya tadbirkor holatni izohlagan.
Massajchilarning ishi Farg‘ona shahri sudida ko‘rib chiqildi. Birinchi marta bunday ishlarni qilayotgani hisobga olinib, ularga bazaviy hisoblash miqdorining 7 barobari (2 million 100 ming so‘m) qiymatida jarima tayinlandi.
Izoh (0)