Наманган вилояти Поп туманида 23 июль куни автомашина эҳтиётсизлик оқибатида сойга тушиб кетди. Бу ҳақда вилоят Йўл ҳаракати хавфсизлиги бошқармаси хабар қилди.
Қайд этилишича, «Чодак» МФЙ ҳудудида Damas автомашинасини йўловчиларсиз бошқариб кетаётган ҳайдовчи машинани орқага қайтариб олмоқчи бўлган вақтида ҳаракат хавфсизлигини таъминлай олмай, сойга тушиб кетган. ЙҲХБ ходимлари томонидан ҳайдовчига ёрдам кўрсатилган.
Ҳодиса оқибатида автомашина техник шикастланган. Ҳайдовчига жиддий тан-жароҳати етмаган.
«Шу ўринда барча ҳаракат иштирокчиларидан йўлларда ҳушёрликни оширишларини сўраб қоламиз», — дейилади хабарда.
Изоҳ (0)