Бухоро вилоятида «Taftish.uz» интернет-нашрининг мухбирига нисбатан жиноят иши очилди, деб хабар бермоқда вилоят Ички ишлар бошқармаси.
Қайд этилишича, ҳуқуқни муҳофаза қилувчи идоралар ходимлари томонидан ҳамкорликда тезкор тадбир ўтказилган. Тадбир давомида Жондор тумани «Луқмон» маҳалласида яшовчи «Taftish.uz» махсус мухбири А.З. (1979 йилда туғилган) ушланган. У ўзининг ваколатига кирмаса-да, М.Д. исмли шахсдан бошқа бир фуқаро Б.А.нинг фойдасига МИБ орқали ундирилиши лозим бўлган 5 миллион сўм моддий зарар суммасини ундиришни тўхтатиб қўйиш эвазига 1 миллион сўм сўраган. Алдов йўли билан аввал 200 минг сўмни қўлга киритиб, сўнг қолган 800 минг сўмни олаётган вақтда ашёвий далиллар билан қўлга олинган.
Гумон қилинувчи А.З. билан олиб борилган тезкор суриштирув ҳамда терговга қадар текширув ҳаракатлари давомида у яна бир ҳолатда фуқарога акаси билан ўрталаридаги низоли уй бўйича кадастр ҳужжатларини унинг фойдасига расмийлаштириб беришга ёрдам беришини айтган. Апрель ойида 2,5 миллион сўм пулларни фирибгарлик йўли билан қўлга киритган.
Ҳолатлар юзасидан З.А.га нисбатан Жиноят кодексининг 168-моддаси (фирибгарлик) 3-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Мавзуга доир:
Изоҳ (0)