Бухоро вилояти Шофиркон туманида чорва моллари келтириб беришни ваъда қилган фирибгар аниқланди, деб хабар беради Иқтисодий жиноятларга қарши курашиш департаменти.

Қайд этилишича, Бош прокуратура ҳузуридаги департаментнинг Шофиркон туман бўлими томонидан терговга қадар текширув ўтказилган. Унда фуқаро М.О. А.С. фермер хўжалиги раҳбари А. ҳамда фуқаро С.нинг ишончига кириб, жами 147 бош наслли чорва молларини келтириб беришни ваъда қилгани аниқланган. У фуқароларнинг 269,5 миллион сўм пулини ва 4 800 долларини фирибгарлик йўли билан қўлга киритган.

Текширув давомида фуқаро М.О. ўз айбига иқрор бўлиб, 150,5 миллион сўмни қайтаргани процессуал тартибда расмийлаштирилган.

Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.