Жиззах шаҳрида 23 июль куни лифтда қолиб кетган аёл ва унинг 9 ойлик чақалоғи қутқарилди. Бу ҳақда вилоят фавқулодда вазиятлар бошқармаси ахборот хизмати хабар берди.
Қайд этилишича, соат 12:48 да вилоят ФВБга 1050 қисқа рақами орқали Жиззах шаҳри «Улуғбек» маҳалласида яшовчи фуқаролардан мурожаат келиб тушди. Унга кўра, шу манзилдаги кўп қаватли 16-уйнинг лифти ишламай қолган. Оқибатда лифт ичида 1988 йилда туғилган аёл тўққиз ойлик чақалоғи билан қолиб кетган. Кўп қаватли уйда яшовчилар лифт эшикларини ўзлари очишга уринган. Аммо уринишлар фойда бермаган. Шундан сўнг қутқарувчиларни чақиришган.
Мурожаат бўйича Жиззах вилояти ФВБ ёнғин-қутқарув отряди зудлик билан воқеа жойига етиб борган. Қутқарувчилар қисқа муддат ичида лифтда қолиб кетган она ва чақалоқни қутқариб олган.
Изоҳ (0)