Ижтимоий тармоқларда Тошкент вилоятидаги қамоқхонада 20 ёшли йигит ўз жонига қасд қилгани ҳақида хабарлар тарқалди. Вилоят прокуратураси ҳолат юзасидан муносабат билдирди.
Аниқланишича, 7-сонли жазони ижро этиш колониясида жазо ўтаётган маҳкумлар А.Й. ва Т.Д. 19 июнь куни колония бошлиғи томонидан тасдиқланган кун тартибига риоя қилмасдан, ўзларининг яшаш саҳнига кириш ўрнига 2-яшаш саҳнидаги танишлари олдига яширин равишда ўзбошимчалик билан ўтган. Ҳеч кимнинг рухсатисиз, тартибот қоидаларини бузган ҳолда олдиндан адовати бўлган 5-туркумда жазо муддатини ўтаб келаётган маҳкум А.Й.нинг қадр-қимматини камситувчи сўзлар билан шахсиятига тегиб, қўпол муомалада бўлгани колония ходимлари томонидан аниқланиб, А.Й. ва Т.Д. интизомий жазога тортилган.
Бундан норози бўлган маҳкумлар бинонинг иккинчи қаватидан колониянинг тақиқланган ва яшаш саҳни томонга қараб ўзларини улоқтирган ҳамда уларга биринчи тез тиббий ёрдам кўрсатилган. Ҳозирги кунда уларнинг соғлиғи қониқарли ҳолатда.
Тошкент махсус прокуратураси томонидан терговга қадар текширув ҳаракатлари ўтказилди ва ушбу ҳолатда жиноят аломатлари аниқланмагани сабабли жиноят иши қўзғатиш рад этилди.
Изоҳ (0)