Бетакрор шарқона гўзалликка эга бўлган Болливуд ва Голливуд юлдузининг 2022 йил 18 июль куни 40 ёшга тўлиши муносабати билан «Lisa.ru» нашри унинг ижод йўли, ҳаётдаги қийинчиликлар ва йўқотишлар, шунингдек, муҳаббати ҳақида сўз юритди.
«Кўчманчи оила»
Приянка Ҳиндистоннинг Жамшедпур шаҳрида шифокорлар — Ашок ва Мадху оиласида туғилган. Актрисанинг ота-онаси ҳарбий соҳада хизмат қилган, шунинг учун улар тез-тез шаҳардан шаҳарга кўчиб ўтган.
Шифохонадаги фаолият
Приянканинг ўзи ҳам ота-онаси билан бирга ишлаган: у шифокорларнинг турли хил топшириқларни бажарган ва қариндошлари ишлайдиган касалхонада беморларга ёрдам берган.
Америкадаги ҳаёт
Чопра катта бўлгач, отаси-онаси уни яхши таълим олиши учун Америкадаги қариндошлариникига ўқиш учун юборган.
Мактабдаги таъқиб
Бироқ Америка мактабида ўқиш унчалик осон эмасди, чунки унинг синфдошлари Приянканинг ташқи кўринишини масхара қилган ва у билан тез-тез жанжаллашган. Бўлажак актриса яхши ўқиди, чунки тиришқоқ талаба эди, лекин унга доим ҳаммага ўхшамаслигини эслатиб туришарди.
Мактабни тугатгач, Приянка Ҳиндистонга ота-онасиникига қайтди. Гарчи дастлаб у Америкада ўқишни давом эттиришни режалаштирган бўлса ҳам. «Мен ҳаммани юрагимга яқин олганман. Охир-оқибат уни ёпдим. Узоқ юрдим ва шуни ўйладим: Менга қараманг. Мен кўринмас одам бўлишни хоҳлайман. Шу сабабли, ўз-ўзимни баҳолаш даражаси жуда ҳам тушиб кетди», — дейди актриса.
Ота-онадан ёрдам
Ашок ва Мадху ҳар доим қизини энг фаол ва гўзал қиз деб билган. У 18 ёшга тўлганда суратини яширинча 2000 йилда бўлиб «Ҳиндистон гўзали» танловига топширди. Чопра эса иштирок этиш таклифини олганида жуда ҳайратда қолган.
Дунё гўзали
Қиз нафақат ўз ватанидаги танловда ғолиб чиқишга, балки «Дунё гўзали»да биринчи бўлишга муваффақ бўлди. Айтганча, айни пайтда унинг ҳамюрти Лара Датта «Коинот гўзали» танловида тожни қўлга киритди.
Муваффақият
Нуфузли танловда ғолиб бўлгач, Чопра ҳам юртида, ҳам хорижда машҳур бўлди. У фаолиятини моделликдан бошлади, йирик реклама агентликлари у билан ҳамкорлик қилди ва унинг суратлари журналлар саҳифаларини безатди.
Болливуд
Орадан икки йил ўтгач, Приянка фильмларда рол ўйнай бошлади. У дарҳол Болливуддаги энг яхши ва истеъдодли актрисалардан бири сифатида эътироф этилди. Шунингдек, нуфузли мукофотларга сазовор бўлди ва энг яхши режиссёрлар билан ишлади, уни олдинда ҳали бутун дунё тан олиши кутилмоқда.
Голливуддаги фаолият
2015 йилда актрисага «Қуантико» телесериалида ФҚБ агенти сифатида рол ўйнаш таклиф қилинди, бу унинг ижодида муҳим лойиҳага айланди. Айтганча, Чопра Голливуд лойиҳасида бош роллардан бирини ижро этган Жанубий Осиёнинг биринчи вакили бўлди.
Хонанда
Приянка нафақат фильмларда рол ўйнайди, балки мусиқий карьерасини ҳам қурган. Унинг тароналари бир неча бор Америка чартларида юқори поғоналарни эгаллаган. Тингловчилар қўшиқчининг айниқса, Питбулл билан бирга куйлаган «Эхотиc» композициясини юқори баҳолади.
Актрисанинг рақиблари
Ҳиндистонда актрисанинг кўплаб ҳамкасблар, шу жумладан турмуш қурганлар билан ишқий муносабатлари ҳақида ёзишган. Бу нарса шу даражага етдики, кўплаб аёллар таниқли эрларига ажрашиш билан таҳдид қилиб, лойиҳаларда Приянка билан рол ижро этишни тақиқлашди.
Шундан кейин ҳам Приянка «Дон-2» фильмида суратга тушган Шоҳрух Хон билан илиқ муносабатда бўлган. Актёр, гарчи рафиқаси Чопра билан мулоқот қилишни тақиқлаганига қарамай, унга ҳурмат кўрсатган.
Икки карра тўй
Одамлар нима демасин, актриса ўз бахтини Америкадан топди: 2018 йилда у актрисадан 11 ёш кичик бўлган Ник Жонас билан учрашишни бошлади. Ва ўша йилнинг охирида жуфтлик бир оилага айланди. Қизиғи шундаки, улар тўйини икки марта нишонлади: бири Приянканинг ватанида барча ҳинд урф-одатларига кўра бўлиб ўтди, иккинчиси — Америкада насронийлар анъанасига мувофиқ.
Никоҳ узук баҳоси
Ник севгилиси Приянка учун Tiffany & Cо компаниясидан никоҳ узугини сотиб олишга қарор қилди. Хонанда бўлажак рафиқасига совға сотиб олишга келганида, бутик махсус хизматлар учун ёпилган эди. Айтганча, узук унга 200 минг долларга тушган.
Узоқ кутилган фарзанд
2022 йил январь ойида Приянка ва Никнинг қизи туғилди. У суррогат она ёрдами билан дунёга келган.
Отасининг шарафига татуировка
Чопра отасини жуда яхши кўрарди, уни ҳаётидаги энг керакли одам деб биларди. Афсуски, Ашок бир неча йил олдин вафот этди. Актриса уни хотирлаб, билагига бир пайтлар дадаси ёзган «Daddy’с литтле гирл» сўзларини ёздирди.
Изоҳ (0)