Фарғона вилоятининг Тошлоқ туманида пул эвазига ўқишга киритиб қўйишни ваъда қилган фирибгарлар ушланди. Бу ҳақда «Дарё»га Иқтисодий жиноятларга қарши курашиш департаменти маълум қилди.
Қайд этилишича, Бош прокуратура ҳузуридаги департаментнинг Тошлоқ туман бўлими ва ДХХ ходимлари ҳамкорлигида тезкор тадбир ўтказилган.
Тадбирда фуқаро Ш.Н. Қўқон давлат педагогика институти сиртқи бўлими услубчиси Д.А. билан ўзаро тил бириктириб, фуқаро Ш.ни Фарғона давлат университетининг бошланғич таълим факультетига ўқишга киритиб қўйишни ваъда қилган. Эвазига 11 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)