Фарғонада Жанубий Кореяга ишга жўнатишини айтиб фуқаронинг пулларини алдов йўли билан қўлга киритган шахсга жиноят иши қўзғатилди. Бу ҳақда «Дарё»га вилоят Ички ишлар бошқармаси маълум қилди.
Қайд этилишича, Фарғона шаҳрида яшовчи С.Д. исмли шахс фуқаро Ю.Б.нинг ишончига кириб, танишлари орқали Жанубий Кореяга ишга жўнатишини айтган. Эвазига 10 минг доллар пулни фирибгарлик йўли билан қўлга киритиб, ўз эҳтиёжига сарфлаб юборган.Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси (фирибгарлик) 3-қисми «а» банди билан жиноят иши қўзғатилган.
Изоҳ (0)