Британия фуқароси, Украинанинг «Азов» полки фелдшери Жон Хардинг Украинадаги уруш пайтида Россия томонидан асирга олинган, деб хабар бермоқда BBC News.
Хардинг 2022 йилнинг май ойида Мариуполда, «Азовсталь» заводида қамалда бўлган украиналик ҳарбийлар Россия қўшинларига таслим бўлишга мажбур бўлганидан кейин қўлга олинган. Бу ҳақда Хардинг Британия бош вазири Борис Жонсондан ёрдам сўраб, унга ўлим жазоси эълон қилиниши мумкинлигини айтган видеодан маълум бўлди. Хардинг ДХР томонидан назорат қилинаётган ҳудудда сақланмоқда.
Маҳбуснинг қариндошлари ва дўстлари BBC News’га бу Жон Хардинг эканини тасдиқлади. Британия Ташқи ишлар вазирлиги унинг оиласи билан боғланиб турибди.
Жон Хардинг «Азов» полкига 2018 йилда фелдшер сифатида қўшилган. У дўстларига Украина Миллий гвардиясида хизмат қилаётганини айтган («Азов» полки унинг таркибига киради).
Июнь ойида икки Британия фуқароси Шон Пиннер ва Эйден Эслин ДХРда ўлимга ҳукм қилинди. Улар Украина томонида жанг қилгани учун ёлланишда айбланган. Июль ойида яна икки британиялик Дилан Хилли ва Эндрю Хилл ёлланишда айбланган. 10 июль куни, ДХРда британиялик Пол Ури асирликда вафот этгани маълум қилинди.
Изоҳ (0)