Самарқанд вилоятининг Қўшработ туманидаги боғчада мудира методистнинг бошига бокал билан уриб, тан жароҳати етказгани ҳақида хабар берилган эди. Мактабгача таълим вазирлиги ҳолат юзасидан маълумот берди.
Вазирлик ахборотига кўра, мудиралиги айтилган аёл Ч.А. методист бўлиб, унга вақтинчалик раҳбарлик лавозими юклатилган. Боши ёрилган аёл Э.Г. эса ҳамшира бўлган.
Пайариқ тумани санитария-эпидемиологик осойишталик ва жамоат саломатлиги бўлими хулосасига кўра, Э.Г.нинг таънасида, яъни бошнинг чап чакка соҳасида эзилиб йиртилган яра жароҳатлари аниқланган. Хулосада ушбу жароҳат ўтмас қаттиқ жисмларнинг бир маротаба зарб таъсиридаги механизмидан етказилгани, одатда кечувида соғликни қисқа, яъни олти кундан ортиқ, аммо йигирма бир кундан кўп бўлмаган муддатга бузилишига олиб келиши, шунинг учун оғирлик даражасига кўра енгил соғликнинг бузилишига сабаб бўлган тан жароҳатлари гуруҳига кириши қайд этилган.
Хабарда айтилишича, шу воқеадан сўнг мудиралик вазифасини вақтинчалик бажариб келган методист Ч.А. билан меҳнат шартномаси бекор қилинган.
Ҳолат юзасидан 2 июнь куни Қўшработ тумани ИИБ ҳузуридаги Тергов бўлими томонидан Жиноят кодексининг 109-моддаси 2-қисми билан жиноят иши қўзғатилган. Тергов ҳаракатлари олиб борилмоқда. Тергов натижалари бўйича қўшимча равишда расмий муносабат билдирилади.
Изоҳ (0)