Самарқанд вилоятида «Ҳизб ут-таҳрир» диний-экстремистик ташкилоти аъзоси устидан суд ҳукми ўқилди, дея хабар қилмоқда вилоят ИИБ.
2022 йилнинг февраль ойида хориж давлатлари ҳуқуқни муҳофаза қилиш идоралари билан амалга оширилган тезкор тадбирлар натижасида Пастдарғом туманида истиқомат қилган Ўзбекистон Республикаси ҳудудида фаолияти тақиқланган «Ҳизб ут-таҳрир» диний-экстремистик ташкилоти аъзоси 1978 йилда Самарқанд вилоятида туғилган, Паст Дарғом тумани, Қорабўйин қишлоғида яшаган Абдуллаев Обид Усмоновичнинг жиноий фаолиятига чек қўйилган эди.
Тергов жараёнида маълум бўлишича, О.Абдуллаев Россиянинг Санкт-Петербург шаҳрида ишлаши давомида Facebook ва «Одноклассники» ижтимоий тармоқларида «Ҳизб ут-таҳрир»нинг аудио-видеоматериалларини тарқатиб келган. Шунингдек, у оила аъзолари, хусусан, фарзандларига «Ҳизб ут-таҳрир»нинг «Ислом низоми» китоби ва «Ал-Ваъй» номли журналидан экстремистик ғояларни сингдириб келган.
О.Абдуллаевнинг жиноий ҳаракатлари «Ҳизб ут-таҳрир»нинг фаол ёлловчилари ҳисобланган, айни пайтда халқаро қидирувда бўлган қуйидаги шахслар томонидан бошқарилган.
Улар: «Маҳмуд Абдулмўмин» тахаллусли 1980 йилда Қирғизистон Республикасида туғилган, Холдаров Маҳмуджон Абдумаликович ва устоз Саид ака тахаллусли 1964 йилда Фарғона вилояти Олтиариқ туманида туғилган Мамаризаев Муҳаммад Ҳомидович.
Изоҳ (0)