Қашқадарё вилояти Косон туманида Matiz ва комбайн иштирокида йўл-транспорт ҳодисаси содир бўлди.
2022 йил 11 июль куни соат тахминан 17:10 ларда Косон тумани ҳудудидан ўтувчи халқаро аҳамиятдаги А-380 автомобиль йўлининг 76-километрида Пудина ҚФЙ ҳудудида, ҳайдовчи I.Б бошқарувида бўлган Matiz автомашинаси ҳаракатланиб келаётган вақтида ҳайдовчи Т.А. бошқарувида бўлган «Кейс» комбайни билан тўқнашиб кетиши натижасида йўл транспорт ҳодисаси содир этган.
Оқибатда Matiz ҳайдовчиси I.Б. ҳамда йўловчи сифатида келаётган фуқаро А.Н. тан жароҳат олиб туман шифохонасига ётқизилган. Фуқаро А.Н. шифохонада вафот этган.
Ҳозирда мазкур ҳолат юзасидан Косон туман ИИБ ТБ томонидан терговга қадар суриштирув ҳаракатлари олиб борилмоқда.
Изоҳ (0)