Qashqadaryoda Matiz va kombayn to‘qnashuvi oqibatida bir kishi vafot etdi

Qashqadaryo viloyati Koson tumanida Matiz va kombayn ishtirokida yo‘l-transport hodisasi sodir bo‘ldi.

2022-yil 11-iyul kuni soat taxminan 17:10 larda Koson tumani hududidan o‘tuvchi xalqaro ahamiyatdagi A-380 avtomobil yo‘lining 76-kilometrida Pudina QFY hududida, haydovchi I.B boshqaruvida bo‘lgan Matiz avtomashinasi harakatlanib kelayotgan vaqtida haydovchi T.A. boshqaruvida bo‘lgan “Keys” kombayni bilan to‘qnashib ketishi natijasida yo‘l transport hodisasi sodir etgan.

Oqibatda Matiz haydovchisi I.B. hamda yo‘lovchi sifatida kelayotgan fuqaro A.N. tan jarohat olib tuman shifoxonasiga yotqizilgan. Fuqaro A.N. shifoxonada vafot etgan.

Hozirda mazkur holat yuzasidan Koson tuman IIB TB tomonidan tergovga qadar surishtiruv harakatlari olib borilmoqda.