Андижон вилоятининг Марҳамат туманидаги ошхонада 16 ёшли йигит қўлини гўшт майдалагич қисиб қолди. Бу ҳақда «Дарё» мухбири хабар бермоқда.
Вилоят Фавқулодда вазиятлар бошқармаси ахборот хизматининг аниқлик киритишича, 13 июль куни соат 10:10 да бошқарманинг навбатчилик қисмига Республика шошилинч тез тиббий ёрдам маркази Андижон филиалидан мурожаат келиб тушган. Унда Марҳамат туманидаги ошхонада ишлаётган 16 ёшли боланинг эътиборсизлиги сабаб, ўнг қўлини гўшт майдалагич қисиб қолгани хабар берилган.
Хабарга асосан бошқарманинг тезкор қутқарув отряди ходимлари чақирилган жойга етиб бориб, филиал жарроҳлари билан биргаликда 1,5 соат вақтда махсус темир кесувчи асбоб-ускуналар ёрдамида боланинг қўлини чиқариб олган.
Ҳозирда боланинг аҳволи ўртача бўлиб, шифохонанинг жонлантириш бўлимида қолмоқда.
Изоҳ (0)