Ўзбекистондаги АЁҚШларда ўтказилган назорат тадбирлари давомида 108 минг литр нефть маҳсулотлари билан боғлиқ қонун бузилиш ҳолатлари аниқланди. Бу ҳақда Энергетика вазирлиги хабар қилди.
Қайд этилишича, истеъмолчиларга етказиб берилаётган нефть маҳсулотларини сифат ва миқдор жиҳатидан амалдаги меъёрий ҳужжатлар талабларига мувофиқлиги бўйича Энергетика вазирлиги ҳузуридаги «Ўзнефтгазинспекция» томонидан жорий йилнинг июнь—июль ойларида навбатдаги назорат тадбирлари ўтказилган.
Назорат тадбирлари давомида нефть маҳсулотларини сотиш билан шуғулланувчи 44 та хусусий корхоналарга қарашли АЁҚШларда умумий миқдори 108 минг литр нефть маҳсулотлари билан боғлиқ қонун бузилиш ҳолатлари аниқланган. Жумладан:
- АЁҚШларда сақланаётган нефть маҳсулотларидан намуналар олиниб, лаборатория шароитида таҳлил этилганида 34 минг литр маҳсулот сифатсиз экани;
- 60 минг литр камомад, 15 минг литр ортиқчалик ва 299 литр асоссиз ҳисобдан чиқариш ҳолатларига йўл қўйилгани;
- 10 та ҳолатда истеъмолчилар ҳақидан ҳар 10 литрда 30 миллилитрдан 750 миллилитргача кам қуйиб берилаётгани;
- АЁҚШларда 70 га яқин техник ва метрологик камчиликларга йўл қўйилгани маълум бўлган.
«Аниқланган қонун бузилиш ҳолатлари бўйича расмийлаштирилган ҳужжатлар чора кўриш учун ҳуқуқни муҳофаза қилиш органларига мунтазам равишда юборилмоқда. Назорат тадбирлари давом эттирилмоқда», — дейилади хабарда.
Мавзуга доир:
- «Урбанизацияни йўлга қўйсак, кўмирда уйини иситувчи хонадонлар сони анча камаяди» — Энергетика вазирлиги вакили
- Тошкент вилоятида 26 мингта хонадоннинг бир ойлик истеъмолига тенг бўлган табиий газдан ноқонуний фойдаланган корхона аниқланди
- Ўзбекистонда 1 июлдан электр ва газ нархи ошмайди — Энергетика вазирлиги
Изоҳ (0)