«Манчестер Сити» ярим ҳимоячиси Бернарду Сильванинг агенти мижозининг «Барселона»га трансфер қилиниши бўйича ишлаяпти, дея хабар беради Mundo Deportivo.
4 июль куни каталонияликлар президенти Хоан Лапорта Жорже Мендешни кечки овқатга таклиф қилган ва учрашувнинг катта қисми португалиялик футболчининг «кўк-анорранглилар» сафига ўтиш эҳтимолига бағишланган.
«Барселона» Френки де Йонг сотувидан тушган пулларга 27 ёшли футболчини харид қилиши мумкин. Аммо «шаҳарликлар» ярим ҳимоячи учун 100 миллион евро атрофида пул талаб қилгани боис, каталонияликлар уларни арзон нархга кўндиришга уриниши ёки бюджетидан каттароқ пул ажратиши мумкин.
Шунингдек, Сильванинг маоши «Барселона» қўйган чегаралардан ошиб кетмаслиги ҳам муҳокама қилинган.
Аввалроқ Бернардунинг ўзи ҳам «кўк-анорранглилар» сафида тўп суришни хоҳлаётгани хабар қилинганди. португалиялик футболчи болалик давридан бери каталон клубида тўп суришни орзу қилиши маълум бўлганди.
Ортда қолган мавсумда 27 ёшли футболчи «Манчестер Сити» сафида 50 та ўйин ўтказиб, 13 та гол ва еттита голли узатма муаллифига айланди.
Изоҳ (0)