Моделлик соҳасида дунё бўйлаб машҳурликка эришган Ким Кардашьян шахсий самолётига ўз исмини қўйган. Ушбу самолётнинг умумий қиймати 150 миллион долларга тенг.
Баъзи ижтимоий тармоқ фойдаланувчилари юлдузнинг самолётни мақтаганига эътибор бермай, унга ўтиш жойидаги гиламни ювишни маслаҳат берган. Ким Кардашьяннинг шахсий стилисти Дани Леви моделнинг 150 миллион долларлик шахсий самолётини тақдим этди, деб ёзади The Sun нашри.
Ҳозирда 41 ёшда бўлган Ким ўз бойлигини кўз-кўз қилгани учун кўплаб танқидларга учраган. Instagram’да (Меtа компаниясига тегишли) эълон қилинган суратлар Кардашьяннинг мухлисларига Kim Air деб ном олган самолётнинг ҳашаматли салонига кўз ташлашга имкон берди.
Кim Air’нинг ички қисми енгил ёғоч панеллар билан қопланган бўлиб, у чарм-кашмир рангли ўриндиқлар ва бир хил ёрқин рангли ёстиқлар билан безалган. Ўриндиқларнинг орқасида ва девор ичида Кim Air логотипи акс этган катта текис экранли телевизор мавжуд. Бунга қўшимча равишда меҳмонларга бир жуфт маркали шиппак ва сўнги модадаги пижамалар берилади.
Самолёт бортидаги ҳар бир кичик нарса ҳам унинг эгаси кимлигини эслатиб туради. Ижтимоий тармоқ фойдаланувчилари зинапоянинг пастки қисмидаги маркали гиламга алоҳида эътибор берган. Баъзилар, гиламнинг қаттиқ танқидларга учрашини пайқаб, Кардашьянни қўллаб-қувватлашга қарор қилди. Кимдир моделга бу гилам кимёвий тозалашга муҳтожлигини, яна кимдир уни тезроқ дезинфекциялаш кераклигини айтган.
Самолётнинг ташқи кўринишига келадиган бўлсак унинг ташқи томони кумуш рангга бўялган. Тахминларга кўра, Ким Кардашьяннинг ўзи бу рангга бўяшни талаб қилган, чунки унинг Калабасасдаги уйи ҳам кул ранг рангда ва у фақат пўлатдан ясалган машиналарни ҳайдашни афзал кўради.
Gulfstream G650ER, яъни Ким Air юлдузга жуда қимматга тушади. Қайд этилишича, Ким осмонда ўтказган ҳар 200 соатига ёқилғи учун 400 минг доллар, техник хизмат кўрсатиш учун эса яна 100 минг доллар сарфлаши керак бўлади.
Мавзуга доир:
Изоҳ (0)