ФИФА собиқ президенти Йозеф Блаттер ва УЕФА собиқ раҳбари Мишел Платини коррупция иши бўйича оқланди, дея хабар беради Reuters.
Аввалроқ Швейцария бош прокуратураси Йозеф Блаттер ва Мишел Платинини фирибгарлик, пулларни ўзлаштириш, жиноий равишда нотўғри бошқарув ва ҳужжатларни қалбакилаштиришда айблаган эди. 2011 йилда ФИФА Платини фойдасига 2 миллион швейсар франкни (2,08 миллион доллар) ноқонуний равишда ўтказиб берган.
Блаттер ҳам, Платини ҳам ўз айбини рад этган. Иккала собиқ раҳбар 1998 йилдан 2002 йилгача Мишелнинг консалтинг фаолияти бўйича оғзаки келишувга эришганини тан олган.
Улар беш йилгача қамоқ жазосига ҳукм қилиниши мумкин эди. Кейинчалик прокуратура уларга 18 ойлик синов муддати сўрагани маълум бўлди.
8 июль куни Швейцария суди ФИФАни 17 йил давомида бошқарган Йозеф Блаттер ва УЕФА собиқ раҳбари Мишел Платинига нисбатан оқлов ҳукмини эълон қилди.
Эслатиб ўтамиз, Блаттер 2015 йилда коррупцияда айбланиб ФИФА президентлигидан олинган ва саккиз йил муддатга футболга оид ҳар қандай фаолиятдан четлатилганди. 2016 йилда ФИФА апелляция қўмитаси ушбу муддатни олти йилга қисқартирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)