Тошкентнинг Олмазор ва Шайхонтоҳур туманларида истиқомат қилувчи бир гуруҳ «Ҳизб ут-Таҳрир» аъзолари ушланди. Бу ҳақда ИИВ матбуот хизмати хабар берди.
Аниқланишича, уҳбу жиноий гуруҳнинг фаол аъзоси бўлган И.А. 10 нафардан ортиқ синфдошларини Telegram’да ташкил қилган «Чойхона» ва «Иймонлашайлик» номли виртуал гуруҳларга қўшиб, тақиқланган материалларни тарқатиб келган. Шунингдек, И.А. яқинлари ва кўплаб танишларини «таҳрирчилар» сафига аъзо бўлишга даъват қилиб, интернет орқали экстремистик мазмундаги аудио ва видео материалларни тарқатиб келган.
Ўз навбатида гуруҳ аъзолари мазкур материаллар билан танишиб, «Ҳизб ут-Таҳрир» диний экстремистик ташкилот фаолиятини қўллаб-қувватлаб келган.
Мазкур жиноий гуруҳнинг фаолияти Польшада яшириниб келаётган Холдаров Маҳмуджон Абдумаликович томонидан бошқарилган. У «Ҳизб ут-Таҳрир» ДЕТнинг ғоявий етакчиларидан бири бўлиб, 1980 йилда Қирғизистонда туғилган, мазкур давлат фуқароси ва содир этган жиноятлари учун айни пайтда халқаро қидирувда. «Маҳмуд Абдулмўмин» тахаллусли ушбу шахс Ўзбекистондаги ва хориждаги ватандошларни радикаллашувига ҳамда жиноятчига айланиб қолишига сабабчи бўлмоқда.
Изоҳ (0)